💢戒奶嘴行動正式展開❗️
踏入21個月大，Timtam媽媽有個新計劃，就係要Timtam仔嘗試戒奶嘴！
是咁的！話說一星期前，我發現仔仔有個奶嘴比佢咬爛左，我本來唸住掉左去就算！點知醒起朋友幫個女戒奶嘴方法，我就搵把鉸剪，拎住個奶嘴同佢講：
👩🏻: BB大個仔，唔洗食奶嘴喇！我地不如剪左去掉去垃圾桶，好唔好？
👶🏻: 點點頭…
我手起刀落剪左個嘴頭😆
👩🏻： 拿！大個仔唔食奶嘴喇！我地宜家掉左去好唔好？
👶🏻拎左個奶嘴掉左落垃圾桶，頭也不回！
我讚佢叻叻！佢自己仲笑住拍手！
當晚臨訓，佢喊住要奶嘴，我提醒佢奶嘴比佢掉左，冇得食喇！
佢點頭表示記得，係床典黎典去，終於成功訓左💪🏼
唔好開心住！
第二晚，佢扮失憶，爆喊要奶嘴，點氹都唔得，一時心軟，搵左另一個奶嘴比佢食🤦🏻♀️
本來唸住行動失敗，點知過左兩日，即係前日，我同爸爸出左去食飯，奶奶話Timtam仔唔小心整跌左個奶嘴落街😮搵唔到第二個奶嘴比佢，最終佢自己訓左！
到左琴日，我就打蛇隨棍上，不斷提醒仔仔，奶嘴佢自己整唔見左，以後冇得食喇！
仔仔可能知自己衰，竟然真係接受現實，午覺同夜晚都冇用奶嘴訓到覺👍🏼 不過可能未太習慣，攪好耐先訓得到！
革命尚未成功，我預5日都唔用奶嘴的話，就當成功喇！過多幾日再同大家分享啦😆
Search